Jólin eru kominn.....

.... á Hvanneyrargötu 4.  Tók með mér jólaskrautið að norðan og henti því upp þegar ég kom uppeftir.  Fann glögglega fyrir því að þetta hús var byggt fyrir tíma jólasería í gluggum þar sem aðeins er ein innstunga í svefnherberginu og er sú innstunga staðsett hérumbil eins langt frá glugga og mögulegt er.  Verð að fá mér rosa-langa framlengingarsnúru, þá fyrst get ég tendrað í svefnherberginu líka.

Reyndar munaði minnstu að ég kæmist ekki suður í kvöld.  Þegar vélin mín var lent var tilkynnt um að frekara flugi væri frestað um óákveðin tíma þar sem of hvasst væri að verða í kringum Reykjavíkurflugvöll.  Það var líka býsna róstusamt ferðalag í vélinni síðasta spottann, líklega ekki fyrir viðkvæmar sálir.  Svo var skítaveður á leiðinni upp á Hvanneyri og litlu eftir að við Þorbjörg renndum í hlað var varað við óveðri undir Hafnarfjalli.

En alla leið komumst við með allt okkar hafurtask.  Því er komin tími á að slaka á

kveðja af Eyrinni

GEH

Athugasemdir

[Guðrún Bergrós... (IP-tala skráð) 26.11.2007 kl. 16:24]

Jesús flugið frá Ak var sko ekki gott í gær... En gott að þið komust heilar heim :) Við komumst heim eftir 6 tíma velting í herjólfi :( ógeðis..

Takk fyrir afmæliskveðjuna :)

 Bestu kveðjur frá eyjum..

Guðrún Bergrós..

[Vigdís G. (IP-tala skráð) 26.11.2007 kl. 20:57]

Hæ Gunnfríður. Kíki stundum hérna í heimsókn og ákvað nú að kvitta fyrir.  :o) Hafðu það gott! Kv. Vigdís.