jólasmákökur o.fl

Hvanneyri er merkilegur staður.  Þvílíkt og annað eins rokrassgat er líklega vandfundið.  Á hinn bóginn virðist það vera þannig að nú þegar válynd veður geysa víðast hvar annarsstaðar á Íslandi þá er loksins skaplegt verður hér.   Sem betur fer fyrir restina af Íslandi eru þetta undantekningar tilfelli.  Því miður fyrir okkur hin sem búum hér.  Ekki það ég ætli að kvarta mikið.   Er orðin svo harðsvíruð að tölur uppundir 40 m/sek á veðurskiltinu góða, við Mótel Venus, eru bara eins og hvert annað daglegt brauð.  Enda hafa slíkar tölur sést þar daglega nú um nokkurt skeið.

Annars bakaði ég í gær, samdi við ofninn um að hann væri til friðs og hann tók þeim samningaumleitunum nokkuð vel.  Ofinn í íbúðinni minni er nefnilega örlítið duttlungafullur og bakar ýmist allt súper-fljótt við ofurhita eða hann ákveður að taka sér góðan tíma í verkið. 

Það hefur því bæst jólasmákökuilmur í litlu íbúðina mína ofan á jólaskrautið.  Sem sagt voða huggulegt allt saman

Kveðja af eyrinni+

GEH

Athugasemdir

[Þorbjörg (IP-tala skráð) 2.12.2007 kl. 20:56]

Kem í heimsókn á morgun :) taka út baksturinn :)

kv Þorbjörg Helga

[Þórey (IP-tala skráð) 3.12.2007 kl. 13:40]

Já það er búið að vera helv rok og leiðininlegt veður undanfarið, eitthvað sem maður á ekki að venjast í Suðursveit   Annars er maður svona að skríða í jólaskapið, allt fé komið á hús og tilhleypingarnar að byrja....

Bestu kveðjur úr Suðursveit

[Kolla (IP-tala skráð) 5.12.2007 kl. 19:26]

hum...þarf að taka mig saman í andlitinu og baka aðeins.

Takk fyrir innlitið, það var svo hressandi að hitta þig aftur.  Á við 50 geðpillur .  Komdu fljótt aftur......