Og þrem dögum seinna....

.....er ég komin heim eftir að hafa tekið hálfgerða skyndiákvörðun um að taka mér 3 daga frí og skreppa til útlanda.  Og boy o boy, hvað ég valdi mér góðan tíma til að fara til útlanda.  Ég get því upplýst að nú er, hugsanlega í fyrsta skipti í Íslandssögunni, bjórinn ódýrari á íslandi en í Danmörku.  Annars virðist allt hafa farið lóðbeint til helvítis meðan ég var erlendis og akkúrat núna heyri ég Geir H. Horde tala á dramatískan hátt um holskeflur gjörningaveðurs o.s.fr.

Ég hef mikið verið að spá í að nota hinar mjög svo verðlausu íslensku krónur sem ég á inni í Kaupþingi til að kaupa mér lifandi búfé eða eitthvað slíkt.  Sem sagt breyta sparifé í búfé, því svei mér þá ef ég held ekki að það sé sterkari gjaldmiðill akkúrat núna.

Af öðrum málum er það að segja að stóra símamálið hefur skapað nokkurra kátínu og jafnvel samúð í minn garð.  Enginn hefur þó viljað veðja á hvort eða hvenær ég hugsanlega fæ síma en kannski er það efnahagsástandinu að kenna.  Ég bendi hins vegar öllum á að prófa nú við tækifæri að hringja í 433 5000 og biðja um að fá að tala við mig , það gæti orðið áhugavert

Yfir og út í bili

GEH

 

Athugasemdir

[kolla (IP-tala skráð) 2.10.2008 kl. 21:47]

Líst mér á kerlingu!  Seldu allar verðlausu Skitnis-krónurnar þínar og keyptu þér spagettí-kindur.  Það ráðlegg ég rekstrarfræðingurinn þér að gera hið snarasta! 

[Friðrik (IP-tala skráð) 4.10.2008 kl. 22:17]

Ég hringi kannski við tækifæri... !!! Smá spádómur... á næstu mánuðum skulu þeir sem á síðustu árum hafa gangrýnt tilvist íslenskrar landbúnaðarframleiðslu svelta. Þeir geta lifað á físibaunum og tráberki, meðan við hin sem höfðum trú á landbúnaði fáum okkur væna snæð af lambakjöti, kartöflur og nokkur mjólkurglös.