Og eftir ótrúlega langa þögn.......

...... hef ég upp raust mína á ný.  Lofa samt engu um að ég haldi þessu áfram reglulega og eiginlega væri ótrúlegt ef einhver kemur hingað ennþá, svo ef einhver slysast til að lesa þetta þá endilega kommentið bara svona til að láta mig vita af því. 

Þetta er bara búin að vera svona einn af þessum skrýtnu dögum þar sem maður hefur svo sterklega á tilfinningunni að eitthvað liggi í loftinu.  Veit ekki alveg hvort það er gott eða slæmt.  Reyndar hefur dagurinn ekki lofað góðu.  Vaknaði í morgun og reis fremur óvarlega upp sem varð til þess að öxlin hálf hrökk úr liðnum (sjá eldri færslur varðandi axlarvandamál), það markaði einhvernvegin daginn því ég hef lagt mig fram við að brjóta glös, reka mig í og gera annarskona klúður það sem eftir er dagsins.  Tók samt hlaup í morgun í norðangolunni sem var ákaflega hressandi en nú þegar ég ætti að vera að lesa fyrir próf (á mánudaginn) þá langar mig helst að fara á ærlegt fyllerí.  Það er eiginlega svona í stíl við daginn sem er að líða, fremur svona sundurlaus og ómarkviss en á sín móment.

Ég hef þvi hugsað mér að drekka rauðvín í kvöld og er búni að fá félaga í verkefnið.  Það gæti verið ágætis millivegur milli þess að lesa fyrir próf og hrynja í það.  Leggur allavegana drög að próflestri á morgun. 

Er annars nýkomin frá DK þar sem ýmislegt gekk á.  M.a sprengjuhótanir á lestarstöðum og endalausar lestarferðir.  Komst þó á alla áfangastaði að lokum og missti ekki af neinni flugvél eða neinu öðru.  Góð ferð allt í allt.

Því bið ég ykkur að eiga góða helgarrest.  Ég ætla að reyna það líka

Yfir og út eftir langt hlé

GEH


« Síðasta færsla | Næsta færsla »

Athugasemdir

1 identicon

Til hamingju með fyrstu færslu ársins, já stundum getur verið gott að sleppa frá amstri dagsins og skella sér fyllerí, og ennþá er betra að detta svona óvænt   í það, án nokkurs undirbúnings,(verst ef er vinnudagur daginn eftir), en kveðja úr nesinu.

Torfi (IP-tala skráð) 7.3.2009 kl. 19:48

2 identicon

Held að Torfi sé enn þunnur eftir miðvikudaginn.

Hákon B Harðarson (IP-tala skráð) 7.3.2009 kl. 20:54

3 identicon

sjá tölvupóst...

e (IP-tala skráð) 7.3.2009 kl. 21:30

4 identicon

Ég kíki við reglulega. Annars finnst mér helgarrest alveg einstaklega ljótt orð, varð bara að koma því að :)

Sigga systir (IP-tala skráð) 7.3.2009 kl. 21:49

5 identicon

jamm ég kíki líka reglulega, en hafi reyndar ekki gert það LENGI þangað til ég sá á fésbókinni að þú tilkynntir um nýtt blogg!!

Bebba (IP-tala skráð) 9.3.2009 kl. 15:56

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnfríður Elín Hreiðarsdóttir
Gunnfríður Elín Hreiðarsdóttir
Flökkukind með meiru

Færsluflokkar

Nýjustu myndir

  • kopar stekkur.gif
  • ...p1010033
  • Botna
  • ...p1010028
  • Blesi

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband