Vel vopnum búin

Ég fór í verslunarleiðangur í Borgarnes, nú skyldi sko reka út óværuna.  Leiðin lá fyrst í Bónus þar sem sítróna, hunang, chilli, hvítlaukur, kjúklingur og te var tínt í körfu.   Næst var það apotekið þar sem viský-röddin bað um verkjatöflur, hálstöflur, hóstasaft og nefúða, eða allan pakkann eins og afgreiðslukonan sagði.  Að lokum var Ríkið tæklað þar sem fleygur af viský ásamt einhverju smáræði öðru var sett í poka.  Nú verður þetta helvíti tæklað með öllum mögulegum ráðum.   Leið strax betur bara eftir að vera búin að kaupa inn vopnin.  Á nú fullbúið vopnabúr.  Nú mallar kjúklingasúpa a la Valur á hellunni og ég komin með hunangs og viský-blandað te í glas meðan ég bíð.

 

Yfir og út

General Gunnfríður

 

Athugasemdir

[Óðinn (IP-tala skráð) 18.1.2008 kl. 10:42]

Súpan góða hlýtur að reka úr þér óværuna.  Allavegana rann yfirleitt af manni chillisvitinn þegar maður var búinn að slurpa henni í sig á Lunetic Alle í den.

[kolla og Rannveig (IP-tala skráð) 18.1.2008 kl. 22:15]

Erum ekki í hittingi og ekki að drekka fullt af rauðvíni og alls ekki að borða steik, eða þess þá heldur hugsa til þín.  Gunnfríður, fórum að ræða kindur og áttuðum okkur á því að þig vantaði, en það fundum við líka þegar við vorum að brasa matinn, að eitthvað vantaði í eldhúsið.  En svo þú vitir, skemmtum við okkur konunglega, en þú færð að vera með næst.

Knús frá kenndum systrum..

[Sigga frænka (IP-tala skráð) 18.1.2008 kl. 22:17]

Heyrðu jæja .....það á aldeilis að gefa skít í vírusana. Hvernig er ferðaplan hjá þér?? Þarf að gefa þér lýsingu á hvernig er best að koma sér beinustu leið í Sólskinskrókinn...en það er bara að taka flugrútuna frá Gardermoen til Smestad...þarf bara að komast að hvaða buss-númer það er best að taka.

Hlakka til að sjá þig 

[hemmi (IP-tala skráð) 20.1.2008 kl. 17:47]

ja það er bara allur pakkin líst vel á þetta ráð hjá þér

[Sigga Dóra (IP-tala skráð) 28.1.2008 kl. 10:58]

Ætla rétt að vona að þú liggir ekki ennþá í kvefpestinni..

kveðjur frá köb..