Á aðventunni

Ó já.  Desember hreinlega æðir áfram og undirrituð algerlega að tapa sér í jólastemningu og það er svona skemmtileg jólastemning með kertaljósi, smákökubakstri og jólaskrauti.  Ekkert bölvað stress með jólagjafainnkaupum og jólakortaskrifum.  Fátt finnst mér leiðinlegra en að skrifa jólakort og er þetta líklega í einasta skiptið á ári sem ég get hugsanlega tekið undir það að það sé sniðugt að eiga börn svo hægt sé að smella af þeim mynd, skella í umslag og kalla jólakort. 

Ég hef reyndar íhugað að taka mynd af Litlu-Jörp, Skjónu, Botnu eða Surtlu til að senda til vina og vandamanna ásamt jólakveðju.  Botna og Surtla reyndar fremur uppteknar á jólaföstunni eins og sauðfjár er siður en Litla-Jörp og Skjóna sennilega ekki mikið bókaðar og tækju sig ábyggilega ágætleg út t.d með jólasveinahúfu eða englavængi.  Vandamálið er hins vegar að ég er hér og þær eru þar (fyrir norðan) en hugmyndin engu að síður góð að mínu mati.  Bara spurning um útfærslu.

Á reyndar í fórum mínum mynd af þeim Freyju og Nótu gömlu sem auðveldlega væri hægt að fótósjoppa í svolítinn jólafíling ef maður vildi.  Freyja reyndar á beit núna á hinum eilífu veiðilendum en Nóta ennþá sprell-alive og hér koma þær með aðventukveðju

 

Athugasemdir

[mæja (IP-tala skráð) 10.12.2008 kl. 15:36]

ég get ekki betur séð en myndin sem er á síðunni af þér og litlu Jörp geti dugað sem ágætis jólakort svo má bara prenta kveðju frá Skjónu  með og þá er þetta komið, annars allt í besta kveðja Mæja

[e (IP-tala skráð) 11.12.2008 kl. 18:35]

Sammála Mæju um ágæti myndarinnar hér  en svo á ég myndvinnsluforrit sem mætti nota ef þú vilt t.d. vera með húfu (og vængi - jafnvel geislabaug) á þessari mynd (í korti)

múhahahah