Enn af klappstýrum

Þetta var einn af þessum dögum þar sem valið virtist standa á milli þess að hágrenja eða bresta í tryllingslegan hlátur.  Valdi hvorugan kostinn en greip þess í stað til skætings og hótfyndni sem notuð var jöfnum höndum.  Með öðrum orðum; ég var feikn leiðinleg í dag.  Hefði helst ekki átt að hafa samskipti við annað fólk.  En það varð víst ekki umflúið eða öllu heldur, ég varð víst ekki umflúin.

Ég vil líka þakka Þorbjörgu fyrir veittan stuðning.  Hún virðist vera sú eina sem hefur trú á mér í klappstýruhlutverkinu.  Góð hugmynd hjá henni með búninginn.  Auglýsi hér með eftir klappstýrubúningi fyrir lítinn pening, helst grænum.  Stærð small.  Má vera notaður, en ekki þó í öðrum tilgangi en til klappstjórnunar á kappleikjum.

adjö

GEH

 

 

Athugasemdir

[Sigurður Þór Guðmundsson (IP-tala skráð) 27.3.2008 kl. 23:13]

Já ég frétti núna rétt áðan að við hérna ráðunautar í norð-austri værum erfiðir.. En allt er nú vel meint:) verð í bændahöll á morgun...

[e (IP-tala skráð) 28.3.2008 kl. 07:49]

Hér mun vera til SKÆRgulur STUTTUR kjóll alsettur steinum og kögri í gulu/rauðu/appelsínugulu

Eitthvað er líka til af aukakögri sem gott væri í armbönd (er ekki alltaf svoleiðis á klappstýrum?)

Stærð 12 ára ca

Þú mátt prófa, svitalyktin fylgir frítt