5.5.2008 | 19:59

finally gone mad

Í morgun fór ég endanlega yfirum. Allur þessi svefn síðustu helgar hefur heldur betur ruglað mig í rýminu enda er ég alls ekki vön að sofa meira en 6-7 tíma á nóttu.

Svo í morgun (nótt) vaknaði ég klukkan 4:30 stundvíslega. Glaðvaknaði algerlega úthvíld og útsofin. Uppfull af orku. Kíkti út um gluggann og sá að sólin var að koma upp og það sem meira var að úti var logn. Ég fékk þá snilldarhugmynd að fara út að hjóla, sem og ég gerði. Var komin út kl 5 og hjólaði upp í Skorradal. Frábært veður, alger friður og dásamlegur fuglasöngur. Kom heim rúmlega 6, fór í sturtu og hitaði mér gott kaffi, tók úr þvottavélinni sem ég setti í áður en ég fór af stað, setti í nýja, vaskaði upp óhreina leirtauið í vaskinum. Hafði tíma til að hlusta á útvarpið yfir kaffibolla númer 2, dreif mig svo í vinnuna.

Það merkilega er að ég er ennþá uppfull af þessari orku, búin að fara á hestbak og á eldavélini mallar chilli con carne a la ég sjálf sem ég ætla nú að éta með bestu lyst áður en ég finn upp á einhverju nýju að brasa því það veit sá sem allt veit að ég er aldeilis ekki orðin syfjuð.

"I think I have finally gone mad" múhahahahah Devil

Flokkur: Dægurmál | Facebook

Athugasemdir

Hafandi borið þessa færslu saman við síðustu færslu kemst ég að þeirri niðurstöðu að þú þurfir að leita þér andlegrar lækningar.

Larfurinn (IP-tala skráð) 6.5.2008 kl. 12:28

Aha.... mig vantar svona orku. Reyndar farin að vakna á morgnana í staðinn fyrir að vera hálfsofandi fram undir hádegi. Heyrðu, ég held að ég sé bara laus á laugardagksvöldið, ef pabbi gamli lætur sig hverfa á laugardaginn, eins og planið er í dag. Langar mikið að fara að hitta þig. Verðum í bandi þegar líður á vikuna.

kolla (IP-tala skráð) 6.5.2008 kl. 21:05